दहिगाव-ने कृषी विज्ञान केंद्रात पी. एम. किसान सन्मान निधी कार्यक्रम

श्री मारुतराव घुले पाटील शिक्षण संस्थेचे दहिगाव ने येथील कृषी विज्ञान केंद्रात सोमवार दि. 24 फेब्रुवारी 2025 रोजी प्रधानमंत्री किसान सन्मान निधी 19 वा हप्ता वितरण कार्यक्रमाचे आयोजन करण्यात आले आहे.

देशाचे प्रधानमंत्री नरेंद्र मोदी यांच्या हस्ते प्रधानमंत्री किसान सन्मान निधीचा 19 वा हप्ता शेतकर्‍यांच्या खात्यावर भागलपूर बिहार येथून ऑनलाईन प्रक्षेपणाद्वारे वितरण करण्यात येणार आहे. या कार्यक्रमाचे थेट ऑनलाईन प्रक्षेपण दहिगाव-ने (ता. शेवगाव) येथील कृषी विज्ञान केंद्रात दि. 24 फेब्रुवारी 2025 रोजी दुपारी 1.00 वाजता करण्यात येणार आहे.

या कार्यक्रमाचे औचित्य साधून कृषि विज्ञान केंद्राच्या वतीने शेती क्षेत्रातील उल्लेखनीय कार्य केलेल्या शेतकर्‍यांचा सन्मान उपस्थित मान्यवरांच्या हस्ते करण्यात येणार आहे. तसेच कृषि शासकीय योजना, सद्य परिस्थिती पिक व्यवस्थापन व इतर विषयांवर केव्हीकेच्या शास्त्रज्ञांच्या वतीने शेतकर्‍यांना मार्गदर्शन केले जाणार आहे.

तरी या कार्यक्रमास जास्तीत जास्त शेतकर्‍यांनी उपस्थित राहावे, असे आवाहन कृषी विज्ञान केंद्राचे प्रमुख व वरिष्ठ शास्त्रज्ञ यांनी केले आहे.