घरात एकटी असताना अल्पवयीन मुलीचे अपहरण
आजोबांना फोन करून मुलीची मदतीची याचना । आरोपीविरुद्ध गुन्हा दाखल
तालुक्यातील एका गावात अल्पवयीन मुलीला आमिष दाखवून पळवून नेल्याची धक्कादायक घटना घडली आहे. या प्रकरणी पाथर्डी पोलिस ठाण्यात एका तरुणांविरुद्ध अपहरणाचा गुन्हा दाखल करण्यात आला आहे. गुन्हा दाखल केल्यानंतर पोलिसांनी मुलीचा व आरोपीचा तपास सुरू केला आहे.
मिळालेल्या माहितीनुसार, संबंधित मुलीचे आई-वडील 30 मार्च रोजी शेतात गेले होते. मुलगी घरात एकटीच होती. सायंकाळी ते घरी परतल्यावर मुलगी घरात नसल्याचे आढळले. परिसरात चौकशी केली असता, तेजस जयकुमार देशमुख (रा. कासार पिंपळगाव, ता. पाथर्डी) याने तिला पळवून नेल्याची माहिती समोर आली.
दरम्यान, मुलीने तिच्या आजोबांच्या फोनवरून संपर्क साधत, मला दमदाटी करून पळवून आणले असून मला घरी यायचे आहे, अशी माहिती दिली. या घटनेमुळे कुटुंबीयांमध्ये भीतीचे वातावरण निर्माण झाले आहे. मुलीच्या आईच्या तक्रारीवरून पोलिसांनी आरोपीविरुद्ध अपहरणाचा गुन्हा दाखल केला असून, पुढील तपास सुरू आहे.
दरम्यान, दोन महिन्यांपूर्वी आरोपीने मुलीच्या पालकांशी संपर्क साधला होता. त्यावेळी पालकांनी मुलगी अल्पवयीन असल्याचे सांगून त्याला दूर राहण्याचा इशारा दिला होता. तरीदेखील आरोपीने हे कृत्य केल्याचे समोर आले आहे.
तालुक्यात अल्पवयीन मुलींना पळवून नेण्याच्या घटनांमध्ये वाढ होत असल्याने नागरिकांमध्ये चिंता व्यक्त केली जात आहे. पोलिसांनी तातडीने कारवाई करून मुलीचा शोध लावावा, अशी मागणी पालकांनी केली आहे.
मिळालेल्या माहितीनुसार, संबंधित मुलीचे आई-वडील 30 मार्च रोजी शेतात गेले होते. मुलगी घरात एकटीच होती. सायंकाळी ते घरी परतल्यावर मुलगी घरात नसल्याचे आढळले. परिसरात चौकशी केली असता, तेजस जयकुमार देशमुख (रा. कासार पिंपळगाव, ता. पाथर्डी) याने तिला पळवून नेल्याची माहिती समोर आली.
दरम्यान, मुलीने तिच्या आजोबांच्या फोनवरून संपर्क साधत, मला दमदाटी करून पळवून आणले असून मला घरी यायचे आहे, अशी माहिती दिली. या घटनेमुळे कुटुंबीयांमध्ये भीतीचे वातावरण निर्माण झाले आहे. मुलीच्या आईच्या तक्रारीवरून पोलिसांनी आरोपीविरुद्ध अपहरणाचा गुन्हा दाखल केला असून, पुढील तपास सुरू आहे.
दरम्यान, दोन महिन्यांपूर्वी आरोपीने मुलीच्या पालकांशी संपर्क साधला होता. त्यावेळी पालकांनी मुलगी अल्पवयीन असल्याचे सांगून त्याला दूर राहण्याचा इशारा दिला होता. तरीदेखील आरोपीने हे कृत्य केल्याचे समोर आले आहे.
तालुक्यात अल्पवयीन मुलींना पळवून नेण्याच्या घटनांमध्ये वाढ होत असल्याने नागरिकांमध्ये चिंता व्यक्त केली जात आहे. पोलिसांनी तातडीने कारवाई करून मुलीचा शोध लावावा, अशी मागणी पालकांनी केली आहे.
