श्रीगोंदा तालुक्यात आज आढळले ८ कोरोना बाधित

श्रीगोंदा तालुक्यात रविवार दि.२९ रोजी ८ जण संक्रमित आढळले.घेतलेल्या ३६ रॅपिड अँटीजन चाचण्यांत ८ जण पॉझिटिव्ह आले. तर ४५ संशयित रुग्णांचे घशातील स्राव घेऊन नगर येथे तपासणीसाठी पाठवले. एकूण बधितांची संख्या २४०९ झाली आहे.

शनिवारी ७ जण बरे होऊन घरी परतले. एकूण कोरोनामुक्तांची संख्या २३३८ झाली आहे. सद्यस्थितीला २३ जण कोविड केंद्रात उपचार घेत आहेत तर खाजगी हॉस्पिटलमध्ये १२ जण उपचार घेत आहेत. अजून २०० जणांचे अहवाल येणे बाकी आहे. आत्तापर्यंत ३६ जणांचा मृत्यू झाला आहे.

रविवारी श्रीगोंदा शहरात मांडवगण रोड येथे २ जण व बनकर मळा येथे१ जण पॉझिटिव्ह आला. तर ग्रामीण भागात येळपणे येथे ३ रुग्ण व कौठा येथे २ रुग्ण पॉझिटिव्ह आले अशी माहिती तालुका आरोग्य विभागाने दिली आहे.