श्रीगोंदा तालुक्यात आज आढळले १३ कोरोना बाधित

श्रीगोंदा तालुक्यात गुरुवार दि. १७ रोजी नव्याने १३ जण कोरोना संक्रमित आढळले. घेतलेल्या २० रॅपिड अँटीजन चाचण्यात ११ जण संक्रमित आले तर नगर येथून आलेल्या घशातील स्रावांच्या अहवालात २ जण संक्रमित असल्याचे निदान झाले.

१५ जणांचे घशातील स्राव घेऊन नगर येथे तपासणीसाठी पाठवले. तालुक्यात कोरोना बधितांची संख्या २५२८ झाली आहे.

गुरुवारी ४ जण बरे होऊन घरी परतल्याने एकूण २४५३ कोरोनामुक्त झाले आहेत. आत्तापर्यंत ३६ जण मृत्युमुखी पडले आहेत. सद्यस्थितीला १७ जण कोविड केंद्रात उपचार घेत आहेत तर खाजगी हॉस्पिटलमध्ये २२ जण उपचार घेत आहेत.

दि. १७ रोजी श्रीगोंदा शहरात शिवाजीनगर येथे ५ जण संक्रमित आढळले तर ग्रामीण भागात आढळगाव येथे ६ जण व चांडगाव येथे २ जण संक्रमित आढळले अशी माहिती तालुका आरोग्य विभागाने दिली आहे.