शनैश्वर देवस्थान ट्रस्टचे विश्वस्त मंडळ जाहीर

लाखो भाविकांचे श्रद्धास्थान असलेल्या नेवासा तालुक्यातील श्रीक्षेत्र शनिशिंगणापूर येथील शनैश्वर देवस्थान ट्रस्टची 11 सदस्यांची यादी धर्मदाय आयुक्त कार्यालयातुन जाहीर करण्यात आली आहे.

विश्वस्तपदासाठी सुमारे 84 जणांनी अर्ज भरले होते. दि.21, 22 व 23 रोजी अहमदनगर येथील सहाय्यक धर्मदाय आयुक्त कार्यालयात मुलाखती होऊन त्यातुन 11 सदस्यांची निवड करण्यात आली आहे. सन 2021 ते 2026 करीता 11 विश्वस्तांची निवड पुढील प्रमाणे जाहीर केली आहे.

विश्वस्त म्हणुन निवड झालेले सदस्य पुढील प्रमाणे - शिवाजी आण्णासाहेब दरंदले, दीपक दादासाहेब दरंदले, शहाराम रावसाहेब दरंदले, विकास नानासाहेब बानकर, भागवत सोपान बानकर, अप्पासाहेब ज्ञानदेव शेटे, पोपट रामचंद्र शेटे, बाळासाहेब बन्सी बोरुडे, पोपट लक्ष्मण कुर्‍हाट, छबुराव नामदेव भुतकर, सौ. सुनिता विठ्ठल आढाव यांच्या निवडी करण्यात आल्या.

सध्याच्या सदस्यांचा कार्यकाळ हा दि. 5 जानेवारी 2021 रोजी पूर्ण होत असून त्यानंतर सदर नवीन सदस्यांचा कार्यकाळ सुरु होईल. आता सर्वांचे लक्ष अध्यक्ष निवडीकडे लागले असुन कोण अध्यक्ष होईल? हीच चर्चा परिसरात व भाविकांमध्ये सुरू झाली आहे.