तिसगाव येथील प्रभाकर अकोलकर यांचे निधन

पाथर्डी तालुक्यातील तिसगाव येथील कै प्रभाकर भगवंत अकोलकर यांचे वृद्धापकाळाने निधन झाले. ते 80 वर्ष वयाचे होते. ते अत्यंत धार्मिक व मनमिळावू स्वभावाचे होते. गावात ते 'आप्पा' या नावाने ओळखले जात होते.

वारकरी सांप्रदायाचे अनुकरण व शांत, संयमी व मितभाषी स्वभावाने गावामध्ये व परिसरात त्यांच्या विषयी मोठी आपुलकी होती.

वृद्धपकाळात आलेल्या अल्पशा आजाराने त्यांचे निधन झाले. तिसगाव येथील अमरधाम येथे त्यांच्यावर शोकाकुल वातावरणात अंत्यसंस्कार करण्यात आले. त्यांच्या मागे पत्नी, दोन मुले, एक मुलगी, सुना नातवंडे असा परिवार आहे. पत्रकार सुनील अकोलकर व व्यावसायिक अनिल अकोलकर यांचे ते वडील होत.