मुळा नंतर ज्ञानेश्वर साखर कारखाना निवडणुकही बिनविरोध

नेवासा तालुक्यातील सोनई येथील मुळा साखर कारखाना निवडणूक बिनविरोध झाल्यानंतर भेंडा येथील लोकनेते मारुतराव घुले पाटील ज्ञानेश्वर सहकारी साखर कारखाना निवडणुकीत 21 जागेसाठी 21 अर्ज शिल्लक राहील्याने बिनविरोध झाली आहे.

सभासदांनी पुन्हा एकदा माजी आ. नरेंद्र घुले व माजी आ. चंद्रशेखर घुले यांच्यावर विश्वास दाखवला आहे.

भेंडा येथील लोकनेते मारुतराव घुले पाटील ज्ञानेश्वर सहकारी साखर कारखाना संचालक मंडळाच्या 21 जागेसाठी पंचवार्षिक निवडणुकीसाठी तब्बल 282 इच्छुकांनी उमेदवारी अर्ज दाखल केले होते. दाखल अर्जाची दि. 6 जानेवारी रोजी छाननी होऊन 147 अर्ज अपात्र तर 135 अर्ज पात्र ठरले होते. त्यानंतर उमेदवारी अर्ज मागे घेण्याच्या शेवटच्या (गुरुवार दि. 21) दिवशी 114 उमेदवारी अर्ज मागे घेतल्याने संचालक मंडळाच्या सर्व 21 जागासाठी 21 अर्ज राहील्याने संचालक मंडळाची निवड बिनविरोध झाली आहे.

बिनविरोध निवडून आलेले उमेदवार पुढील प्रमाणे- शेवगाव गट (2 जागा)- सुधाकर नारायणराव नरवडे व पंडीत रामभाऊ भोसले. शहरटाळकी गट (2 जागा)- नरेंद्र मारुतराव घुले व चंद्रशेखर मारुतराव घुले. कुकाणा गट (2 जागा)- पांडुरंग गमाजी अभंग, नारायण कारभारी म्हस्के. नेवासा गट (3 जागा)- विठ्ठलराव वकीलराव लंघे, काकासाहेब आबासाहेब शिंदे, गोरक्ष दगडू गंडाळ. वडाळा गट (3 जागा)- भाऊसाहेब सोन्याबापू कांगुणे, जनार्धन रामभाऊ कदम, शिवाजी राजधर कोलते.

ढोरजळगाव गट (3 जागा)- मच्छिंद्र सूर्यभान म्हस्के, बबनराव मुरलीधर भुसारी, सखाराम दिगंबर लव्हाळे. अनुसूचित जाती/जमाती मतदारसंघ (1 जागा)- दीपक तुळशीराम नन्नवरे. महिला प्रतिनिधी मतदार संघ (2 जागा)- ताराबाई हनुमान जगदाळे व रत्नमाला काशिनाथ नवले. भटके-विमुक्त मतदार संघ (1 जागा)- लताबाई अशोक मिसाळ. नागरिकांचा मागास प्रवर्ग मतदार संघ (1 जागा)- शंकर लक्ष्मण पावसे. उत्पादक सहकारी संस्था व बिगर उत्पादक पणन संस्था मतदार संघ (1 जागा)- देसाई भाऊसाहेब देशमुख या प्रमाणे संचालक मंडळ बिनविरोध निवडून आले आहे.

कारखान्याच्या सभासदांनी पुन्हा एकदा घुले बंधूंवर विश्वास दाखवला आहे. नूतन संचालकांमध्ये अनेक नव्या चेहर्‍यांना घुले बंधू यांनी संधी दिल्याने समाधान व्यक्त होत आहे.