सुकळीत सरपंचपदी प्रल्हाद देशमुख .

शेवगाव तालुक्यातील राजकीय दृष्टीने महत्वाच्या समजल्या जाणाऱ्या ग्रामपंचायतीपैकी सुकळी येथील ग्रामपंचायतीच्या सरपंच पदी प्रल्हाद रुस्तुम देशमुख तर उपसरपंचपदी मंगल सुरेश भवर यांची एकमताने निवड करण्यात आली आहे. शेवगाव-पाथर्डी तालुक्याचे माजी आमदार नरेंद्र पाटील घुले तसेच माजी आमदार चंद्रशेखर पाटील घुले यांच्या नेतृत्वाखाली सुकळी येथे सद्गुरु भिमसिंह महाराज ग्रामविकास पॅनलच्या वतीने राष्ट्रवादीने सात जागेसाठी लढत केली होती. यामध्ये सहा जागा राष्ट्रवादीतर्फे तर एक जागेवर भाजपने सत्ता मिळविली होती. सर्वसाधारण जागेसाठी सरपंच पदासाठी प्रतिस्पर्धी कोणीच नसल्याने निवडणूक अध्यासी अधिकारी कौटुंबे एस.एम. व सहकारी म्हणुन ग्रामसेवक साळवे यांनी सरपंचपदी प्रल्हाद देशमुख हे तर उपसरपंचपदी मंगल सुरेश भवर यांची बिनविरोध निवड केली. नवनिर्वाचित सदस्य म्हणून धर्मराज गरड, सिंधुबाई वाघ ,मनिषा गालफाडे, माया भवर , तर भाजपाच्या निवडून आलेले उमेदवार शारदा अरुण देशमुख गैरहजर होत्या. यावेळी महादेव भवर ,संदीप गालफाडे, भाऊसाहेब गरड, लहु भवर, सुरेश भवर , आत्माराम देशमुख, ताराचंद भवर ,बाळासाहेब गालफाडे, अण्णासाहेब होटकर, जीजा गरड, राजेंद्र देशमुख, भागवत गरड , रावसाहेब वाघ ,उध्दव भवर यांचे सह कोतवाल रामजी भोंगळे , दादा भवर पोलीस कॉन्स्टेबल संपत एकशिंगे, पोलीस कॉन्स्टेबल सचिन खेडकर यांचे सर्व ग्रामस्थ मोठ्या संख्येने उपस्थित होते.