कोरोना बाधितांच्या आकडेवारीत घट
अहमदनगर । वीरभूमी- 27-Oct, 2021, 03:35 PM
अहमदनगर जिल्ह्यातील कोरोना बाधितांच्या आकडेवारीत काल मंगळवारी वाढ झाल्यानंतर आज बुधवारी पुन्हा घट झाली आहे. यामुळे काहीअंशी दिलासा मिळत आहे. आज बुधवारी जिल्ह्यात 160 कोरोना बाधित आढळून आले.
आज आढळलेल्या बाधितांमध्ये राहाता तालुका पहिल्या क्रमांकावर आला असून येथील आकडेवारी 24 झाली आहे. दुसर्‍या स्थानावर संगमनेर तर तिसर्‍या स्थानावर श्रीगोंद्याचा क्रमांक लागतो. येथील आकडेवारी अनुक्रमे 16 व 14 अशी आहे. तर आज पुन्हा भिंगारचा आकडा शुन्यावर आला आहे.
आज बुधवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 61, खाजगी प्रयोगशाळेतील तपासणी अहवालात 80 तर अँटीजेन चाचणीत 19 असे 160 कोरोना बाधित आढळून आले.
आज आढळून आलेली तालुकानिहाय आकडेवारी पुढीलप्रमाणे- राहाता 24, संगमनेर 16, नगर शहर 7, अकोले 13, नेवासा 13, श्रीगोंदा 14, शेवगाव 11, पारनेर 10, कर्जत 8, नगर ग्रामीण 8, श्रीरामपूर 7, इतर जिल्हा 8, पाथर्डी 6, कोपरगाव 5, राहुरी 5, जामखेड 4, मिलटरी हॉस्पिटल 1 असे कोरोना बाधित आढळून आले.
जिल्ह्यातील कोरोना बाधितांच्या आकडेवारीत चढउतार कायम आहे. यामुळे नागरिकांनी विनाकारण घराबाहेर पडणे टाळावे, नियमित मास्क वापरावा, सॅनिटायझरचा वापर करावा, सोशल डिस्टन्सिंग नियमांचे पालन करावे, असे आवाहन करण्यात येत आहे.
yqxikaImcwenlQ