या भागात मान्सूनपुर्व वादळी पावसाची हजेरी
या भागात मान्सूनपुर्व वादळी पावसाची हजेरी
आज शनिवारी दुपारी 4 वाजेच्या दरम्यान कर्जत तालुक्यातील मिरजगाव परिसरात वादळी वार्यासह मान्सूनपुर्व पावसाने हजेरी लावली. परिसरातील टाकळी खंडेश्वरी, चांदे बुद्रुक, गुरवपिंप्री, मांदळी, तिखी, रवळगाव, बाभूळगाव, माहिजळगाव, पाटेवाडी, नागलवाडी, नागापूर आदी ठिकाणी विजेच्या कडकडाट व वादळी वार्यासह पावसाने हजेरी लावल्याने परिसरातील शेतकर्यांची चांगलीच धांदल उडाली.
मिरजगाव परिसरात अनेक ठिकाणी फळबागा तसेच शेतातील काढणीला आलेल्या कांद्याची तसेच लिंबू पिकांचे वादळी वार्यासह आलेल्या पावसामुळे नुकसान झाले आहे. या मान्सूनपूर्व वादळी वार्यासह आलेल्या पावसाने दिवसभराच्या उन्हाने त्रस्त झालेल्या नागरिकांना काहीसा दिलासा मिळाला.
पाऊस पडल्यामुळे वातावरणात गारवा निर्माण झाल्याने दररोजच्या उकाड्याने तात्पुरती का होईना सुटका झाल्याचे वातावरण दिसुन आले. परिसरात वादळी वार्यामुळे काही भागातील शेतकर्यांच्या घरावरील पत्रे उडाल्याची घटना घडली आहे.
कोकणगाव ज्योतिबावाडी परिसरातील शाळेचे पत्रे उडाले आहे. या मान्सूनपूर्व पावसाने तब्बल अर्ध्या तासांहून अधिक वेळ जोरदार हजेरी लावल्याने मिरजगाव शहरातील अनेक भागात पावसाच्या पाण्याचे डबके साचले होते. तर नगर - सोलापूर राज्य महामार्गालगत असलेल्या खड्डयामध्ये मोठ्या प्रमाणात पाणी दिसत होते.
मिरजगाव परिसरात अनेक ठिकाणी फळबागा तसेच शेतातील काढणीला आलेल्या कांद्याची तसेच लिंबू पिकांचे वादळी वार्यासह आलेल्या पावसामुळे नुकसान झाले आहे. या मान्सूनपूर्व वादळी वार्यासह आलेल्या पावसाने दिवसभराच्या उन्हाने त्रस्त झालेल्या नागरिकांना काहीसा दिलासा मिळाला.
पाऊस पडल्यामुळे वातावरणात गारवा निर्माण झाल्याने दररोजच्या उकाड्याने तात्पुरती का होईना सुटका झाल्याचे वातावरण दिसुन आले. परिसरात वादळी वार्यामुळे काही भागातील शेतकर्यांच्या घरावरील पत्रे उडाल्याची घटना घडली आहे.
कोकणगाव ज्योतिबावाडी परिसरातील शाळेचे पत्रे उडाले आहे. या मान्सूनपूर्व पावसाने तब्बल अर्ध्या तासांहून अधिक वेळ जोरदार हजेरी लावल्याने मिरजगाव शहरातील अनेक भागात पावसाच्या पाण्याचे डबके साचले होते. तर नगर - सोलापूर राज्य महामार्गालगत असलेल्या खड्डयामध्ये मोठ्या प्रमाणात पाणी दिसत होते.