आज कोरोना बाधितांच्या आकडेवारीत थोडीशी घट

जिल्ह्यातील कोरोना बाधितांच्या आकडेवारीत होत असलेली घट आजही कायम राहीली आहे. आज शनिवारी जिल्ह्यात एकुण 672 कोरोना बाधित आढळले आहेत. बाधितांच्या आकडेवारीत घट होत असल्याने नगरकरांना दिलासा मिळाला आहे.

मागील आठवड्यापासून नगर जिल्ह्यातील कोरोना बाधितांची आकडेवारीत घट होत आहे. काल शुक्रवारी कोरोना बाधितांच्या आकडेवारीत घट झाल्यानंतर आजही कोरोना बाधितांची आकडेवारीत घट झाली आहे.

आज आढळलेल्या आकडेवारीत कर्जत तालुका टॉपवर आला असून पारनेर, पाथर्डी दुसर्‍या व तिसर्‍या स्थानावर आले आहेत. मात्र सर्वच तालुक्यातील कोरोना बाधितांची आकडेवारी 77 च्या आत असल्याने दिलासा मिळत्त आहे.

आज शनिवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 27, खाजगी प्रयोगशाळेतील तपासणी अहवालात 277 तर अँटीजेन चाचणीत 368 असे 672 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- कर्जत 77, पारनेर 71, पाथर्डी 54, राहुरी 53, श्रीगोंदा 53, राहाता 48, संगमनेर 47, कोपरगाव 45, नेवासा 44, शेवगाव 41, अकोले 31, जामखेड 31, श्रीरामपूर 23, नगर ग्रामीण 20, नगर शहर 18, इतर जिल्हा 16 असे कोरोना बाधित आढळले आहे.

कोरोना संसर्ग रोखण्यासाठी प्रत्येकाने शासनाने ठरवून दिलेल्या नियमांचे पालन करावे. विनाकारण घराबाहेर पडून नये, नियमित मास्क वापरावा, नियमित स्वच्छ हात धुवावे, सोशल डिस्टन्सिंग नियमाचे पालन करावे.