आजच्या आकडेवारीत पाथर्डी टॉपवर

अहमदनगर जिल्ह्यात आज आढळलेल्या कोरोना बाधितांमध्ये पाथर्डी तालुका टॉपवर आला आहे. आज जिल्ह्यात तब्बल 784 कोरोना बाधित आढळले आहेत. जिल्ह्यातील कोरोना बाधितांचा आकडा वाढताच असल्याने नगरकरांच्या चिंतेमध्ये भर पडत आहे.

नगर जिल्ह्यातील कोरोना बाधितांचा आकडा हळू हळू वाढत आहे. गुरुवारच्या तुलनेत आज शुक्रवारी फक्त 5 ने कोरोना बाधितांच्या आकड्यामध्ये घट झाली आहे. तसेच सर्व तालुके शंभरच्या आत असल्याने दिलासा मिळत आहे.

मात्र आज आढळलेल्या कोरोना बाधितांमध्ये पाथर्डी तालुका टॉपवर आला असून पाथर्डीचा आकडा 97 वर गेला आहे. तर पारनेर दुसर्‍या स्थानावर आला आहे. दिवसेंदिवस वाढत असलेल्या कोरोना बाधितांमुळे नागरिकांची चिंता वाढत आहे.

नागरिकांनी विनाकारण घराबाहेर पडू नये, नियमित मास्क वापरावा, नियमित स्वच्छ हात धुवावे, सॅनिटकयझरचा वापर करावा, सोशल डिस्टन्सिंग नियमाचे पालन करावे, असे आवाहन करण्यात येत आहे.

आज शुक्रवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 194, खाजगी प्रयोगशाळेतील तपासणी अहवालात 271 तर अँटीजेन चाचणीत 319 असे 784 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- पाथर्डी 97, पारनेर 95, संगमनेर 95, श्रीगोंदा 79, अकोले 60, नगर ग्रामीण 58, कर्जत 53, नेवासा 43, शेवगाव 36, राहाता 34, नगर शहर 32, कोपरगाव 32, राहुरी 24, जामखेड 21, इतर जिल्हा 12, श्रीरामपूर 12, भिंगार 01 असे कोरोना बाधित आढळून आले.