जिल्ह्यातील कोरोना बाधितांचा आकडा घटताच

अहमदनगर जिल्ह्यातील कोरोना बाधितांच्या आकडेवारीत गुरुवारीही घट कायम राहीली आहे. यामुळे नगरकरांना दिलासा मिळत आहे. आज गुरुवारी जिल्ह्यात एकुण 68 कोरोना बाधित रुग्ण आढळले आहेत.

आज आढळलेल्या बाधितांमध्ये सर्वाधिक आकडा हा श्रीरामपूरचा असून त्याखालोखाल श्रीगोंद्याचा क्रमांक लागतो. तर अकोले, जामखेड, भिंगार व पाथर्डी येथील आकडेवारी शुन्यावर आहे. यामुळे मोठा दिलासा मिळत आहे.

काल बुधवारपर्यंत जिल्ह्यातील अ‍ॅक्टीव रुग्ण संख्या 504 वर आली आहे. यामुळे नगरकरांना मोठा दिलासा मिळत आहे. मात्र नागरिकांनी कोरोना प्रतिबंधक नियम पाळणे गरजेचे आहे.

आज गुरुवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 39, खाजगी प्रयोगशाळेतील तपासणी अहवालात 24 तर अँटीजेन चाचणीत 5 असे 68 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- श्रीरामपूर 13, श्रीगोंदा 10, नगर शहर 8, कोपरगाव 7, राहुरी 6, राहाता 5, इतर जिल्हा 4, नेवासा 3, पारनेर 3, नगर ग्रामीण 3, मिलटरी हॉस्पिटल 2, संगमनेर 2, कर्जत 1, शेवगाव 1 असे कोरोना बाधित आढळून आले. तर अकोले, भिंगार, जामखेड व पाथर्डी येथील आकडेवारी शुन्यांवर आहे.

जिल्ह्यातील कोरोना बाधितांची आकडेवारी घटत चालली असली तरी नागरिकांनी कोरोना प्रतिबंधक नियमांचे पालन करणे गरजेचे आहे. यामध्ये विनाकारण घराबाहेर पडू नये, नियमित मास्कचा वापर करावा, सोशल डिस्टन्सिंग नियमांचे पालन करावे, सॅनिटायझरचा वापर करावा आणि कोरोना प्रतिबंधक लसीकरण करून घ्यावे, असे आवाहन करण्यात आले आहे.