काळजी घ्या ः कोरोना फैलावतोय

मागील काही दिवसापासून अहमदनगर जिल्हातील कोरोना बाधितांचा आकडा दिवसेंदिवस घटत होता. यामुळे नगरकरांना दिलासा मिळत होता. मात्र काल सध्या कासवगतीने कोरोना बाधितांचा आकडा वाढत आहे. सोमवार जिल्ह्यात एकुण 79 कोरोना बाधित आढळल्याने चिंता व्यक्त केली जात आहे. यामुळे प्रत्येकाने कोरोना प्रतिबंधक नियमाचे पालन करणे गरजेचे होत आहे.

आज सोमवारी आढळलेल्या बाधितांमध्ये पारनेर तालुका सर्वोच्चस्थानी असून येथून आकडा 40 एवढा आहे. यामुळे पारनेर तालुकाकरांची चिंता वाढली आहे. त्या खालोखाल नेवासा, श्रीगोंदा तालुक्याची आकडेवारी येते.

तर जिल्ह्यातील श्रीरामपूर भिंगार, मिलटरी हॉस्पिटल व इतर राज्य येथील आकडेवारी शुन्यावर आली आहे. तर अकोले, जामखेड, इतर जिल्हा व पाथर्डी येथील प्रत्येकी आकडा 1 वर आहे.

मागील काही दिवसापासून कोरोना बाधितांच्या आकडेवारीत झपाट्याने घट होत होती. मात्र मागील आठ दिवसापासून कासवगतीने जिल्ह्यातील आकडेवारी वाढत असल्याने चिंता वाढत आहे. मागील आठवड्यात अ‍ॅक्टिव रुग्णांची संख्या 350 वर आली होती. ती रविवारपर्यंत 425 वर पोहोचली आहे. यामुळे प्रत्येकाने शासनाने ठरवून दिलेल्या नियमांचे पालन करणे गरजेचे आहे.

आज सोमवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 63, खाजगी प्रयोगशाळेतील तपासणी अहवालात 14 तर अँटीजेन चाचणीत 2 असे 79 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- पारनेर 40, नेवासा 6, श्रीगोंदा 6, कर्जत 5, राहाता 4, नगर शहर 3, संगमनेर 3, कोपरगाव 2, नगर ग्रामीण 2, राहुरी 2, शेवगाव 2, अकोले 1, जामखेड 1, इतर जिल्हा 1, पाथर्डी 1 असे कोरोना बाधित आढळून आले. तर श्रीरामपूर, भिंगार, मिलटरी हॉस्पिटल, इतर राज्य येथील आकडेवारी शुन्यांवर आहे.