चंद्रकांत गायकवाड यांना बेस्ट राष्ट्रीय पत्रकारीता पुरस्कार प्रदान

पाथर्डी तालुक्यातील श्रीक्षेत्र हनुमान टाकळी येथील पत्रकार चंद्रकांत अर्जुनराव गायकवाड यांना ग्रामीण भागांत पत्रकारीतेत केलेल्या उत्कृष्ट कार्याबद्दल ‘बेस्ट राष्ट्रीय पत्रकारीता’ पुरस्कार देऊन गोवा-पणजी येथे गौरविण्यात आले.

कल्याण ठाणे येथील ज्ञानरचना सोशल फाउंडेशनच्या वतीने रविवारी पणजीम कन्वेन्शन सेंटर माला सभागृहात पुरस्काराचे वितरण झाले. या पुरस्कार वितरण सोहळ्याला गोवा विधानसभा अध्यक्ष रमेशजी तरवडकर, बुंदेलखंडचे जलयोद्धा पद्मश्री उमाशंकर पांडे, सिनेअभिनेत्री आशु सुरपुर, रुचिका भोंडवे, ज्येष्ठ संपादक सचिन कोरडे, ज्ञानरचनाचे कार्यवाह प्रवीण साळवे आदी उपस्थित होते.

ज्ञानरचना सोशल फाउंडेशनच्या वतीने विविध राज्यांतील नाट्य, सिनेमा, लोककला, क्रीडा, पत्रकारीता क्षेत्रांतील 32 गुणवंतांना यावेळी पुरस्कार देऊन सन्मानीत करण्यात आले. पत्रकार चंद्रकांत गायकवाड यांनी ग्रामीण भागांतील शेती प्रश्नांसह विविध पौराणीक, धार्मिक स्थळांचे वार्तांकन केले.

या कामाची दखल घेऊन त्यांना बेस्ट राष्ट्रीय पुरस्कार देवून सन्मानित करण्यात आले. याबद्दल गायकवाड यांचे सर्वस्तरातून कौतुक होत आहे.