शुक्रवारी श्रीगोंद्यात आढळले 13 कोरोना बाधित

शुक्रवार दि. 27 रोजी घेतलेल्या 87 रॅपिड अँटीजन चाचण्यांत 12 जण पॉझिटिव्ह आढळून आले. तर नगर येथून आलेल्या घशातील स्रावांच्या अहवालात 1 जण संक्रमित आला. तर 49 जणांचे घशातील स्राव घेऊन नगर येथे तपासणीसाठी पाठवले आहेत.

तालुक्यातील एकूण बधितांची संख्या 2392 झाली आहे. शुक्रवारी 10 जण बरे होऊन घरी परतल्याने एकूण कोरोनामुक्तांची संख्या 2328 झाली आहे. अजून 150 संशयित रुग्णांचे अहवाल येणे बाकी आहे. सद्यस्थितीला 16 रुग्ण कोविड केंद्रात उपचार घेत आहेत तर खाजगी हॉस्पिटलमध्ये 12 रुग्ण उपचार घेत आहेत. आत्तापर्यंत तालुक्यातील 36 जण मृत्युमुखी पडले आहेत.

श्रीगोंदा शहरात होळी गल्लीत 1 रुग्ण व शहरात अजून 1 रुग्ण सापडला. तर ग्रामीण भागात कौठा-5, मांडवगण-1, बनपिंप्री-1, घारगाव-1, बोरी-1 व काष्टी येथे 1 रुग्ण पॉझिटिव्ह आढळून आले असल्याची माहिती तालुका आरोग्य विभागाने दिली आहे.

नागरिकांनी विनाकारण बाहेर पडू नये, बाहेर जातांना तोंडाला मास्क लावावा, हात नियमित स्वच्छ धुवावे व सोशल डिस्टन्सिंग नियमाचे पालन करून कोरोना पासून बचाव करावा, असे आवाहन प्रशासनाच्यावतीने करण्यात आले आहे.