अहमदनगर । वीरभूमी- 16-Aug, 2021, 12:00 AM

अहमदनगर जिल्ह्यातील कोरोना बाधितांचा आकडा दोन दिवसापासून हळू हळू कमी होऊ लागला आहे. यामुळे नगरकरांना दिलासा मिळत आहे. आज सोमवारी जिल्ह्यात एकुण 757 कोरोना बाधित आढळले.

आज आढळलेल्या आकडेवारीत पारनेर तालुका पुन्हा टॉपवर आला असून संगमनेर दुसर्‍या स्थानावर आला आहे. मात्र दोन्ही तालुक्याची आकडेवारी शंभरच्या पुढे आहे. तर पाथर्डी तालुका तिसर्‍या स्थानावर आला आहे.

पारनेर, पाथर्डी, राहुरी, जामखेड, कर्जत, श्रीरामपूर येथील आकडेवारीत वाढ झाली असून इतर ठिकाणची आकडेवारीत घट झाली आहे. मिलटरी हॉस्पिटलमध्ये काही दिवसापासून एकही कोरोना बाधित आढळला नव्हता मात्र आज तेथे 3 कोरोना बाधित आढळले आहेत.

आज सोमवारी आढळलेल्या बाधितांच्या आकडेवारीमध्ये जिल्हा रुग्णांलयाच्या चाचणी अहवालात 260, खाजगी प्रयोगशाळेतील तपासणी अहवालात 352 तर अँटीजेन चाचणीत 145 असे 757 कोरोना बाधित आढळून आले.

आज आढळून आलेली तालुकानिहाय आकडेवारी पुढीलप्रमाणे- पारनेर 106, संगमनेर 103, पाथर्डी 74, श्रीगोंदा 73, नगर ग्रामीण 58, राहुरी 51, जामखेड 46, शेवगाव 45, कर्जत 39, अकोले 36, नगर शहर 36, नेवासा 36, श्रीरामपूर 15, इतर जिल्हा 12, राहाता 10, भिंगार 07, कोपरगाव 07, मिलटरी हॉस्पिटल 03 असे कोरोना बाधित आढळून आले.

सध्या निर्बंध शिथिल करण्यात आल्याने नागरिकांनी काळजी घ्यावी. घराबाहेर पडतांना कोरोना संसर्ग टाळण्यासाठी नागरिकांनी नियमित मास्क वापरावा, नियमित स्वच्छ हात धुवावे, सॅनिटायझरचा वापर करावा, सोशल डिस्टन्सिंग नियमाचे पालन करावे, असे आवाहन करण्यात येत आहे.