मुंबई । वीरभूमी- 13-Apr, 2022, 04:03 PM

मनी लॉन्ड्रींग प्रकरणी ईडीने अटक केल्यानंतर मंत्री नवाब मलिक यांच्या संपत्तीवर टाच आणली आहे. आतापर्यंत ईडीने नवाब मलिक यांच्या संबधीत असलेल्या आठ मालमत्ता जप्त केल्या आहेत.

राष्ट्रवादी काँग्रेसचे नेते नवाब मलिक यांनी कुख्यात डॉन दाऊदची बहिण हसीना पारकर यांच्याशी संबधित असलेल्या कुर्ल्यातील गोवावाला कंपाउंडचा व्यवहार केला होता. याच आरोपाखाली ईडीने नवाब मलिक यांना अटक केली होती.

नवाब मलिक सध्या न्यायालयीन कोठडीत असून मनी लॉन्ड्रींग प्रकरणी ईडीने मालमत्ता जप्तीची कारवाई केली आहे. या कारवाईमध्ये नवाब मलिक यांची कुर्ल्यातील गोवावाला कंम्पाऊंड, कुर्ला पश्चिमेतील 3 फ्लॅट्स, वांद्रे पश्चिमेतील 2 फ्लॅट, उस्मानाबादमधील मलिकांची 147 एकर जमीन जप्तीची कारवाई केली आहे.

ईडीच्या या कारवाई विरोधात नवाब मलिक यांनी सुप्रिम कोर्टात धाव घेतली आहे.